Turnover of New DOH Ambulance
Feb 04, 2026 05:30 PM 149
Bagong Ambulansya ng Infanta, ipinagkaloob ng DOH
Tinanggap na ng Lokal na Pamahalaan ng Infanta, sa pamumuno ni Mayor Lord Arnel L. Ruanto, ang bagong Patient Transport Vehicle na ipinagkaloob ng Department of Health (DOH) at magagamit nang libre ng mga mamamayan ng bayan.
Matatandaang noong maupo bilang Punong Bayan noong 2025, agad na nakipagpulong si Mayor Ruanto kay DOH Secretary Ted Herbosa upang talakayin ang mga programang pangkalusugan. Sa naturang pagpupulong, ipinangako ang pagkakaloob ng bagong ambulansya para sa Infanta.
Makalipas ang ilang buwan, pormal nang tinanggap ang nasabing sasakyan sa pagbisita ng mga opisyal ng pamahalaan, kasama sina Vice Mayor Mannie A. America, Konsehal Maxiel Rodrigo A. Mortiz Jr., Konsehal Timothy John G. Juntereal, Konsehal Mario Louie N. Cuento, Konsehal Ronald C. Yu, Konsehal Sherwin E. Avellano, at si Dr. Mary Louise Motas ng Rural Health Unit.
Ang pagkakaloob ng bagong ambulansya ay patunay ng patuloy na pagpapalakas ng Lokal na Pamahalaan ng Infanta sa mga serbisyong pangkalusugan, lalo na sa pagbibigay ng agarang at libreng serbisyong ambulansya para sa mamamayan.
Infantahin, Kaya Natin!
