8th Palabas: Pintahan sa Kapehan: Coffee painting session
Feb 07, 2026 05:00 PM 117
Sining sa Bawat Tasa: Pintahan sa Kape sa 8th PALABAS Arts Festival
Malikhaing naisagawa ang Pintahan sa Kapehan (Coffee Painting Session) bilang bahagi ng 8th PALABAS (Palakasin ang Bayan sa Sining) Arts Festival, kaugnay ng lokal na pagdiriwang ng National Arts Month 2026 na may temang “Ani ng Sining, Katotohanan at Giting.”
Kabuuang apatnapu’t dalawang (42) local artists ang aktibong nakilahok sa nasabing gawain na ginanap sa Mood Cafe & Lounge. Pinatunayan ng aktibidad na maaaring pagsamahin ang pagkamalikhain at pagmamahal sa kape bilang midyum ng sining.
Pinangunahan ang programa ng Infanta, Quezon Culture, Heritage, Arts and Tourism Sections sa pamumuno ni Ms. Sierra Cecilia A. Peñamante, Tourism Operations Officer II at Designated Culture and Arts Officer, na patuloy na nagsusulong ng sining at kultura sa ating bayan. Kinikilala rin si Sir Wilmer A. Encina sa kanyang mahalagang kontribusyon bilang tagapagpadaloy ng Pintahan sa Kapehan. Ang kanyang kaalaman, paggabay, at dedikasyon ay naging malaking bahagi ng tagumpay ng aktibidad.
Isang taos-pusong pasasalamat mula sa ating mahal na Punong Bayan, Hon. Lord Arnel L. Ruanto, ang ipinaaabot sa lahat ng kabataang artist at tagasuporta na nakiisa at tumulong sa matagumpay na pagsasakatuparan ng programang ito.
Patuloy nating palakasin ang sining bilang tinig ng ating kultura, identidad, at pagkakaisa.
Infantahin, Kaya Natin!
