Water Sanitation and Hygiene (Wash) Session
Feb 25, 2026 02:50 PM 111
Pagsasanay sa Wastong Kalinisan at Proper Handwashing, Idinaos!
Isinagawa ngayong araw ang Family Development Session: Module on Water, Sanitation, and Hygiene (WASH) in Early Childhood Care and Development (ECCD) na pinangunahan ng Municipal Social Welfare and Development (MSWD) sa pamumuno ni Gng. Melanie G. Virrey, RSW, Immediate Supervisor at Department Head.
Nagbigay ng mensahe ang resource speaker na si Maria Eloisa R. Penamante, LPT, at pinagtibay ang kahalagahan ng pagkakaroon ng healthy habits mula pagkabata.
Layunin ng programang ito na:
-
Tukuyin ang mga mahahalagang oras o pagkakataon kung kailan dapat maghugas ng kamay ang mga bata at magulang.
-
Maunawaan ang kahalagahan ng paghuhugas ng kamay at mukha, lalo na para sa mga bata.
-
Ipakita ang tamang paraan ng paghuhugas ng kamay.
-
Maunawaan at pahalagahan ang iba’t ibang epektibong paraan ng pagtuturo ng tamang paghuhugas ng kamay sa mga bata.
Ang aktibidad ay nakatuon sa pagpapalakas ng kalusugan at kalinisan ng mga bata sa pamamagitan ng malinis na katawan, ligtas na inuming tubig, malinis at ligtas na pagkain, at pagpapaunlad ng mga tamang gawi sa kalinisan na nagdudulot ng mas malusog na pamumuhay.
Simulan natin sa tahanan. Isabuhay ang malusog na gawi para sa mas malakas at mas malusog na komunidad.
Infantahin, kaya natin!
