IQWD Courtesy Call: Pagtugon sa Hamon ng kakulangan sa Tubig!
May 05, 2026 09:50 AM 19
Humarap sa pulong ang Infanta Quezon Water District sa pangunguna ni Acting Manager na si Ms. Ann Suaverdez, kasama si Ms. Harlene Peñaverde, kung saan tinalakay ang mga aksyon ng tanggapan upang matugunan ang posibilidad ng kakulangan sa suplay ng tubig partikular sa panahon ng tag-init.
Dito inilahad ang iba't ibang posibilidad na pagkunan ng karagdagang suplay ng tubig kabilang ang Agos River.
Sa pahayag ng Punong Bayan binigyang diin niya ang agarang pangangailangan ng kongkretong hakbang upang matugunan ang nasabing suliranin na may direktang epekto sa pang-araw-araw na pamumuhay ng mga mamamayan. Ipinahayag din niya ang kahalagahan ng pagbuo ng parehong panandalian at pangmatagalang solusyon upang matiyak ang sapat, maayos, at tuloy-tuloy na suplay ng tubig sa buong bayan.
Hinikayat din ang mas pinaigting na koordinasyon at pakikipagtulungan sa pagitan ng IQWD at ng lokal na pamahalaan upang makamit ang isang epektibo at napapanatiling solusyon para sa kapakanan ng bawat infantahin.
Infantahin Kaya Natin!
